გოდერძის ალპური ბაღის შესახებ

საუკეთესო პერიოდი: გაზაფხული, ზაფხული, შემოდგომა

გოდერძის ალპური ბაღი - მდებარეობს აჭარაში, ხულოს მუნიციპალიტეტში, აჭარა თრიალეთის ქედის სამხრეთ კალთაზე, კურორტ „გოდერძთან“ ახლოს „შქერნალის“ ტერიტორიაზე, ზღვის დონიდან 1960 მეტრ სიმაღლეზე.

ბაღს ათ ჰექტრამდე ფართობი უკავია. ათეულობით წლის წინ ტერიტორიის დიდი ნაწილი სუბალპური ტყით იყო დაფარული. გოდერძის ალპური ბაღის ტერიტორია მრავალფეროვანი ჰაბიტატებით გამოირჩევა, აქ წარმოდგენილია: ტყის, მდელოს, ტბის, ჭაობის და ქვიანი ეკოტოპი.

გოდერძის ალპური ბაღის მიზანია ხელი შეუწყოს მაღალი მთის ადგილობრივ მცენარეთა კოლექციის თავმოყრას ალპურ ბაღში, მის დოკუმენტირებას და გამოყენებას სამეცნიერო, საგანმანათლებლო და შემეცნებითი მიზნებისათვის, უზრუნველყოს საფრთხის წინაშე მყოფ მცენარეთა კონსერვაცია, დაცვა და შენარჩუნება მომავალი თაობებისათვის.

გოდერძის ალპური ბაღის მოწყობას, საფუძველი ჩაეყარა 2012 წელს, ეტაპობრივად მიმდინარეობს ბაღის განვითარება.

ალპური ბაღის ერთ-ერთი მნიშვნელოვანი კომპონენტი ქვის ბაღია, რომელიც ალპურ ზონაში რიგ შემთხვევაში წარმოდგენილია ქვანაშალი ადგილის სახით. მასზე ქართველ სპეციალისტებთან ერთად, მუშაობს მიუნჰენის ბოტანიკური ბაღის მებაღე, ჰელმუთ ვისნეთი.


ფლორა

გოდერძის ალპური ბაღის მცენარეთა კოლექცია საკმაოდ მრავალფეროვანია, რომელიც ძირითადად აბორიგენული სახეობებითაა წარმოდგენილი. ამჟამად ალპური ბაღის ტერიტორიაზე არსებობს ექვსი სახეობის მერქნოვანი და ასამდე სახეობის ბალახოვანი მცენარე.

რუკა

კითხვები

Please login to ask a question

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე გოდერძის ალპური ბაღი

საშინელი!

ცუდი!

კარგი!

ძალიან კარგი!

შესანიშნავი!