ორეთის ტბის შესახებ

საუკეთესო პერიოდი: ზაფხული

ორეთის ტბა მდებარეობს თუშეთის დაცულ ტერიტორიაზე ზღვის დონიდან 2650 მეტრზე, სოფელ ქუმელაურთიდან დაახლოებით 6 კილომეტრში.

ტბა იკვებება წვრილი ნაკადულებით. წყალი ძირიდან გადის და რადგან ძალიან ცივი და ღრმაა გასასვლელის ზუსტი ადგილი ცნობილი არ არის. ზამთარში იყინება, ამიტომ თევზი არ ყავს. სოფელი ქუმელაურთის მკვიდრნი დღეობის (შაფურთობის) მე-3 დღეს აქ ამოდიოდნენ და აღნიშნავდნენ ორეთობას.

მარშრუტი იწყება სოფელ ქვემო ომალოში ვიზიტორთა ცენტრიდან და მიუყვება სამანქანო გზას სოფელ ქუმელაურთამდე. ქუმელაურთიდან ქვეითი ბილიკი ადის ორეთის ტბაზე. სოფელ ქუმელაურთის შემდეგ, ბილიკზე წყაროები აღარ გვხვდება, ამიტომ აუცილებელია წყლის მომარაგება. ცხენით ორეთის ტბამდე მისვლა და ომალოში დაბრუნება შესაძლებელია ერთ დღეში. ფეხით ლაშქრობის შემთხვევაში, რეკომენდებულია ღამის გათევა ორეთის ტბაზე. ტბასთან ახლოს არის წყარო და საკარვე ადგილი.

ორეთის ტბის მიდამოებიდან იშლება ულამაზესი ხედები, საიდანაც მოჩანს თითქმის მთელი თუშეთი. ორეთის ტბის მიდამოებში ორი ენდემური სახეობა - კავკასიური როჭო და კავკასიური შურთხი ბინადრობს. ეს ფრინველები, ჩვეულებრივ, საღამოს და დილის საათებში აქტიურობენ და მათი დანახვა და მოსმენა ამ დროს არის შესაძლებელი. ორეთის ბილიკზე მოგზაურობისას შეიძლება ვიზიტორებმა შენიშნონ შველი, ნიამორი, დათვი, იშვიათად მგელი და ფოცხვერი. მათი ნაკვალევი კი ბილიკზე მრავლადაა.


თეგები: #ლაშქრობა #ბუნება #ტბა #წყალი #დაცული ტერიტორია #ცხენტური #ცხენი #ჯირითი #მხედარი #trekking #Backpacking #სათავგადასავლო ტურები #ეროვნული პარკები
42.364637 , 45.627193
რეკომენდებული დრო: 2 დღე
ჯამური მანძილი: 18 კმ
სირთულე: საშუალო

ჩვენი გიდები მზად არიან დაგეხმარონ ამ ადგილის მონახულებაში

27798218_2076211602649485_920825 13891881_1062705333765157_135766 13198397_1108281659211461_125501
+12

რუკა

ტრეკის გადმოწერა
კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა

დამწყებთათვის არის ეს ტური რეკომენდირებული?

Davit Merabishvili
Davit Merabishvili

მარშრუტი 2 დღიანია და თქვენ ფიზიკურ მომზადებასა და ცოდნაზეა დამოკიდებული. საშუალო ფიზიკური მომზადების ადამიანისთვის 2 დღეში დაძლევადია; უმჯობესია გაიყოლოთ მეგობარი, რომელიც რამდენიმე ლაშქრობაში მაინც არის ნამყოფი. პირველივე ლაშქრობაში მარტო წასვლა არ არის რეკომენდებული. დაგჭირდება შემდეგი აღჭურვილობა: ზურგჩანთა, კარავი, საძილე ტომარა, ქვეშსაგები, ტანსაცმელი/ფეხსაცმელი და საკვები .

Davit Gogilashvili
Davit Gogilashvili

რომელ თვეებშია სჯობს ამ ტბაზე ასვლა

Davit Merabishvili
Davit Merabishvili

ივნისის მეორე ნახევრიდან დაწყებული სექტემბრის ბოლომდე შეგიძლიათ ეწვიოთ ამ ტბას.

review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ორეთის ტბა

საშინელი!

ცუდი!

კარგი!

ძალიან კარგი!

შესანიშნავი!