დაამატე ნებისმიერი ტურისტული ადგილი ან აქტივობა

Company - 940 x 788 – 3
გაყიდე ტურისტული მომსახურება

განათავსეთ საკუთარი ტურისტული შეთავაზებები ჩვენს პლატფორმაზე და გააცანით თქვენი მომსახურება ათიათასობით მოგზაურს სრულიად უფასოდ.

დეტალურად
for-contributors
დაამატე ინფორმაცია უცნობი ადგილების შესახებ

Georgian Travel Guide გაძლევთ საშუალებას დაამატოთ ინფორმაცია უცნობი ადგილების შესახებ. გაიცანი და გააცანი #უცნობისაქართველო საქართველოსა და მსოფლიოს

დეტალურად
for-guides
თუ ხარ გიდი, გააცანი შენი თავი მოგზაურებს

თუ ხარ გიდი და გსურს გქონდეს უშუალო კავშირი მომხმარებლებთან ყოველგვარი შუამავალი კომპანიების გარეშე, დაამატე ინფორმაცია შენ შესახებ და გააცანი საკუთარი თავი მოგზაურებს.

დეტალურად
IMG_4745

ტობავარჩხილის ტბები - ტობა

ლაშქრობა
4 შეფასება

ტობავარჩხილის ტბები - ტობის შესახებ

საუკეთესო პერიოდი: აგვისტო, სექტემბერი

ეგრისის ქედი (სამეგრელოს ქედი, ოდიშის ქედი) არის კავკასიონის სისტემის სამხრეთ კალთის გასწვრივი გვერდითი ქედი, რომელიც მდებარეობს სამეგრელო - ზემო სვანეთში. ქედის ქვედა ზონა, 1200 მეტრამდე, შემოსილია ფართოფოთლოვანი ტყეებით (მუხა, რცხილა, წაბლი, წიფელი), უფრო ზემოთ, 2100 მეტრამდე, წიწვიანებით (სოჭი, ნაძვი), ხოლო სულ ზემოთ სუბალპური და ალპური მდელოებით. ქედიდან სათავეს იღებენ მდინარეები: მაგანა, ტეხური, ხობი, თხეიში, კასლეთი და სხვა. ეგრისის ქედი არაერთი ულამაზესი ტბის მშობელია. ტობავარჩხილი (ვერცხლის ტბა), ოხოჯეს ტობა (ცაშკიბულის ტობა, პატარა ტბა), კალალიშ ტობა, დიდღალიშ ტობა, წაქაწყარიშ ტობა, ოკარეს ტობა, ლაკუმურაში და სხვა.

ეგრისის ქედზე განლაგებულ ტობავარჩხილის ულამაზეს ტბებზე სხვადასხვა მარშრუტით შეიძლება მოხვედრა. ლაშქრობის დაწყება და დამთავრება შეგიძლიათ სამ ყველაზე გავრცელებული ადგილიდან: 1. მუხური; 2. სქური; 3. ხაიში.

მარშრუტის დასაწყებად ყველაზე პოპულარული ადგილია მუხური, რადგან მუხურიდან მაღალი გამავლობის ტრანსპორტით შესაძლებელია ნათიფურუს მწყემების ქოხამდე მისვლა. მწყემსების ქოხი ზღვის დონიდან 1930 მეტრზე მდებარეობს და უმაღლესი წერტილია სადაც ტრანსპორტით შეიძლება მიხვიდეთ დარჩენილ ორ ვარიანტთან შედარებით.

ქვემოთ გთავაზობთ მარშრუტის ერთ-ერთ ვერსიას, რომელიც მოიცავს ეგრისის ქედის ძირითად და შედარებით მარტივად მისადგომ ტბებს. მარშრუტი იწყება და მთავრდება ჩხოროწყუს მუნიციპალიტეტის სოფელ მუხურში.

გეგმა:

01

დღე 1: ნათიფურუ

სოფელი მუხურიდან ნათიფურუმდე მანძილი 24 კილომეტრია და მაღალი გამავლობის ტრანსპორტს ასასვლელად 4-5 საათი სჭირდება. თუ საბანაკე ადგილამდე დღის პირველ ნახევარში მოხვდით და თავს მხნედ გრძნობთ, უმჯობესია სიარული დაიწყოთ და მეორე დღის გასავლელი მანძილი შეამოკლოთ, წინააღმდეგ შემთხვევაში დაბანაკდით და დაისვენეთ.

02

დღე 2: ნათიფურუ - პატარა ტობა (ოხოჯეს ტბა)

ნათიფურუს საბანაკედან ოხოჯეს ტბამდე მანძილი 9 კილომეტრია. ბილიკი მარკირებულია და ზედაპირზე კარგად ემჩნევა. ბილიკის ზედაპირი მრავალფეროვანია. გრუნტის გარდა სიარული მოგიწევთ ქვებზე, ნაშალსა და თოვლზე. ტბამდე მისასვლელად საშუალოდ 6-8 საათი დაგჭირდებათ. ტბასთან კარვის გასაშლელი ადგილი მრავლადაა.

03

დღე 3: პატარა ტობა (ოხოჯეს ტბა) - ტობავარჩხილი (ვერცხლის ტბა)

ოხოჯეს ტობადან ტობავარჩხილამდე (ვერცხლის ტბა ) 4 კილომეტრია. მანძილის დასაფარად 3-4 საათია საჭირო. გადაადგილება გიწევთ მინდორზე, ქვიან ბილიკზე, ნაშალსა და თოვლზე.

04

დღე 4: დიდღალიშ, კალალიშ და წაქაწყარის ტობა

ამ დღეს ბანაკის აშლა არ გიწევთ. ადიხართ ტბის ჩრდილო აღმოსავლეთ ქედზე და ბილიკით ეშვებით ჯერ დიდღალიშ და შემდგომ კალალიშ ტობაზე. კალალიშ ტობადან შეგიძლიათ ახვიდეთ პატარა უღელტეხილზე და ზემოდან გადახედოთ წაქაწყარიშ ტობას. დღის ბოლოს უკან ბრუნდებით.

05

დღე 5: ტობავარჩილი - ნათიფურუ

დილით ადრე იწყებთ სიარულს და მთელ გზას უკან გამოდიხართ. დღის ბოლოს მიხვალთ ნათიბურუს საბანაკემდე.

06

დღე 6:

ნათიფურუს ქოხიდან ტრანსპორტით ეშვებით მუხურში.

ტრანსპორტი:

ჩხოროწყუს მუნიციპალიტეტის სოფელ მუხურში მოხვედრა ნებისმიერი სახის ტრანსპორტით არის შესაძლებელი. მუხურიდან ნათიფურუს საბანაკემდე მისვლა შესაძლებელია მხოლოდ უგზოობისთვის გათვლილი მაღალი გამავლობის ტრანსპორტით.

თეგები: #ლაშქრობა #trekking #Backpacking #სათავგადასავლო ტურები
რეკომენდებული დრო: 6 დღე
ჯამური მანძილი: 50 კმ
სირთულე: საშუალო

ჩვენი გიდები მზად არიან დაგეხმარონ ამ ადგილის მონახულებაში

27798218_2076211602649485_920825 13891881_1062705333765157_135766 13198397_1108281659211461_125501
+14
დაჯავშნე ტურები ონლაინ!

შეიძინე ტურები სახლიდან გაუსვლელად და აღმოაჩინე შენი საქართველო!

ყველას ნახვა

რუკა

ტრეკის გადმოწერა
კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
khatia marukashvili
khatia marukashvili

გამარჯობა, მაინტერესებს ზუგდიდიდან მუხურამდე მუნიციპალური ტრანსპორტის განრიგი ხომ არ იცით ?
კიდევ მაღალი გამავლობის მანქანას როგორ დავუკავშირდე, თუ გაქვთ მსგავსი ინფორმაცია.
მადლობა ყურადღებისათვის.

Mariam Pirashvili
Mariam Pirashvili

მოგესალმებით, სამწუხაროდ განრიგს არ ვფლობთ. მაღალი გამავლობის მანქანის საკონტაქტო შესაძლოა მოლაშქრეტა ეროვნულ ფედერაციაში იცოდნენ სხვადასხვა მოლაშქრეთა კლუბებმა.

Daniel Samkharadze
Daniel Samkharadze

პირველი მაინტერესებს მარკირებები თუ არის ბილიკზე და ფიზიკური რუკა თუ მოიპოვება კონკრეტულ მარშრუტზე

Ucha Gviniashvili
Ucha Gviniashvili

დიახ, მარკირებულია ყველა ტბასთან მისასვლელი ბილიკი, გარდა ლაკუმურაშის ბილიკისა. თქვენ რომელი მარშრუტით აპირებთ წასვლას?

ფიზიკურ რუკებს ყიდის კომპანია ჯეოლენდი:
https://georgiantravelguide.com/ka/geoland-sakartvelos-rukebi

Daniel Samkharadze
Daniel Samkharadze

სოფ. მუხურიდან ვაპირებ

Daniel Samkharadze
Daniel Samkharadze

მუხურიდან ტობავარჩხილამდე ზუსტი მანძილი რამდენი კილომეტრია?

Ucha Gviniashvili
Ucha Gviniashvili

მუხურიდან პირველ ტბამდე არის 31 კილომეტრი. სიმაღლეში ასაწევია 3823 მეტრი. გამოცდილი მოლაშქრე ამ მანძილს 2 დღეში დაფარავს, გამოუცდელი 3 დღეში.

Daniel Samkharadze
Daniel Samkharadze

გამარჯობა, კიდევ ერთი კითხვა მაქვს.. სოფ. მუხურამდე საიდან და რითი მივდივართ?

Mariam Pirashvili
Mariam Pirashvili

მოგესალმებით, სოფელ მუხურამდე შეგიძლიათ ნებისმიერი სედანით მიხვიდეთ. ან ისარგებლოთ მუნიციპალური ტრანსპორტით.

Jungleboy Sun
Jungleboy Sun

Hi Everyone!
I am reading the hiking trip of ' Toba - Lakes on Egrisi Range' I would like to know, how I can book this 6 days package on this website. Where and who I can contact to obtain more details for this trip.
Thank you for getting back to me.
Thank you.

Ucha Gviniashvili
Ucha Gviniashvili

Hello dear traveler, we don't offer tour packages on the website yet, however you can contact our trekking guides to get an offer and more details about it:
https://georgiantravelguide.com/en/guides?categories=1

Jungleboy Sun
Jungleboy Sun

Thank you for your advice.

Vaxo Vaxo Findishvili
Vaxo Vaxo Findishvili

ტრეკს რატო ვერ ვიწერ (404 )

Ucha Gviniashvili
Ucha Gviniashvili

წესით პრობლემა არ უნდა გქონდეთ გადმოწერისას. სხვა ბრაუზერით სცადეთ.

4 შეფასება
5

This is the most beautiful destination for hiking in Georgia. Landscape is gorgeous. You'll experience diversity of Georgian nature: forests, cliffs, lakes, glaciers, huge summits and etc.

I definitely recommend to everyone, especially Georgians to visit this magic part of Georgia.

ერთ-ერთი საუკეთესო და შთამბეჭდავი ადგილი საქართველოში, რომელიც ყველა მოლაშქრემ და არამოლაშქრემ უნდა იხილოს საკუთარი თვალით!,.

ეს არის საქართველოში ერთ-ერთი საუკეთესო მარშრუტი, მაგრამ მუხური ჩხოროწყუს მუნიციპალიტეტია და არა წალენჯიხის, უმჯობესია ჩაასწოროთ :) ნუ წაართმევთ ამ მუნიციპალიტეტს ასეთ ლამაზ სოფელს :)

The most amazing place I've ever been...

შეაფასე

დასვი კითხვა

შეაფასე ტობავარჩხილის ტბები - ტობა

საშინელი!

ცუდი!

კარგი!

ძალიან კარგი!

შესანიშნავი!