კახეთი აღმოსავლეთ საქართველოს რეგიონია. ესაა შესანიშნავი ადგილი ღვინის მოყვარულთათვის, ცნობილია რა, ღვინის კულტურით, მაგრამ ღვინო ერთადერთი არაა, რაც კახეთს შეუძლია შემოგთავაზოთ. აქ თქვენ იპოვით ადგილებს, რომლებიც შთაგაგონებთ.
სიღნაღის ნახვა ნამდვილად ღირს კახეთში სტუმრობისას. პატარა ქალაქი მომხიბვლელი ადგილია, თავისი რომანტიკული ატმოსფეროთი. სიღნაღი ცნობილია, როგორც სიყვარულის ქალაქი, ესაა ტურისტებში პოპულარული ადგილი თავისი სილამაზისა და პეიზაჟის გამო. სიღნაღი სახეტიალოდ კარგი ადგილია. სიღნაღს გარს არტყავს გალავანი, რომელიც მსოფლიოში ჩინეთის დიდი კედლის შემდეგ მეორეა სიდიდით. თავისი ადგილმდებარეობით ქალაქი გადაჰყურებს სივრცეში გაშლილ ალაზნის ველს და კავკასიონს. ხედს, რომელიც გალავნიდან იშლება თვალს ვერ მოწყვეტ.
თუ მშვიდ გარემოში გინდათ ყოფნა, მაშინ ბოდბე შესანიშნავი დანიშნულების ადგილია თქვენთვის. ტაძარი IV საუკუნეში აშენდა, წმ. ნინოს საფლავზე, რომელმაც საქართველოში ქრისტიანობა გაავრცელა. წმ. ნინოს მონასტერი მე-9 საუკუნეში აშენდა. ბოდბის მონასტერი საქართველოს მეფეების მიერ მრავალჯერ აღდგა. ახლა მონასტერი ფუნქციონირებს, როგორც დედათა მონასტერი. ბოდბეში ადვილად შეიძლება მოხვდეთ სიღნაღიდან. მონასტრის ტერიტორიაზე წმ. ნინოს წყაროა, რომელსაც ადგილობრივი ლეგენდის მიხედვით განკურნების ძალა აქვს. ამ ადგილსაც არაჩვეულებრივი ხედი აქვს ალაზნის ველზე და კავკასიონზე.
შემდეგი ადგილი რომელიც შეგიძლიათ კახეთში სიამოვნებით ნახოთ წინანდალის სახლ-მუზეუმია. ეს ადგილი განსაკუთრებით ლამაზია შემოდგომით. სახლი ეკუთვნოდა მე-19 საუკუნის ცნობილ ქართველ არისტოკრატ პოეტს ალექსანდრე ჭავჭავაძეს, რომელიც სალონის ფუნქციას ასრულებდა მე-19 საუკუნეში. მას აქვს მომხიბვლელი ბაღი და ჩრდილო -აღმოსავლეთ მხარეს წინანდლის მარანი, რომელიც აშენდა მე-19 საუკუნეში. დღეს სახლ-მუზეუმი მუდმივად მასპინძლობს გამოფენებს, კონცერტებს, ლიტერატორულ ღონისძიებებს და მასტერკლასებს. კომპლექსი ასევე გაძლევს შესაძლებლობას დარჩე სასტუმროში და გასინჯო სხვადასხვა ნუგბარი საყვარელ კაფეში.
წინანდლის სახლ-მუზეუმში არის ადგილი, რომელსაც სიყვარულის ხეივანს ეძახიან. ლეგენდის თანახმად თუ შეყვარებულები თვალდახუჭული გაივლიან ხეივანს, მათ ბედნიერი ურთიერთობა ექნებათ.
დავით გარეჯის კომპლექსი 13 მონასტრისგან შედგება, რომლებიც განფენილია ნახევრად-უდაბნო ტერიტორიის ფერდობზე. ეს ადგილი ძალიან ბუნებრივია, შენობები ნატურალურად ერწყმის პეიზაჟს. ეს არის საუცხოო კომპლექსი ლამაზ ადგილზე აზერბაიჯანის საზღვართან. დავით გარეჯის მონასტერი თავისი დაუჯერებელი ლანდშაფტით შთამბეჭდავია. თავად გზაც, კი რომელიც მონასტრამდე მიგიყვანთ გასაოცარია.
ყვარლის ტბა (ილიას ტბა) ადგილია ადამიანებისთვის, რომლებსაც სურთ მოიპოვონ სიმშვიდე და რელაქსაცია. ყვარლის ტბის კურორტი კახეთის რეგიონის შუაგულშია. ის გარშემორტყმულია ტყით, რომელიც ტბას სიმყუდროვეს სძენს. ადგილი ჯადოსნური და თვალისმომჭრელია. ყვარლის ტბის კურორტი გთავაზობთ ღია ცის ქვეშ აქტივობებსა და სასტუმროს მომსახურებას. გარკვეული დროით იქ დარჩენა და ყოველდღიური რუტინისგან თავის დაღწევა კარგი იდეაა.
თუ ვერ შეძლებთ ამ 5 ადგილიდან ყველას მონახულებას, არ იღელვოთ, იქნებ შემდეგ ჯერზე მოახერხოთ.
GEO 
ENG 
RUS 
ავტორიზაცია
კომენტარის დასამატებლად გთხოვთ, გაიაროთ ავტორიზაცია
დაწერეთ კომენტარი