დაამატე ნებისმიერი ტურისტული ადგილი ან აქტივობა

company-940-x-788-3-1
გაყიდე ტურისტული მომსახურება

განათავსეთ საკუთარი ტურისტული შეთავაზებები ჩვენს პლატფორმაზე და გააცანით თქვენი მომსახურება ათიათასობით მოგზაურს სრულიად უფასოდ.

დეტალურად
for-contributors
დაამატე ინფორმაცია უცნობი ადგილების შესახებ

Georgian Travel Guide გაძლევთ საშუალებას დაამატოთ ინფორმაცია უცნობი ადგილების შესახებ. გაიცანი და გააცანი #უცნობისაქართველო საქართველოსა და მსოფლიოს

დეტალურად
for-guides
თუ ხარ გიდი, გააცანი შენი თავი მოგზაურებს

თუ ხარ გიდი და გსურს გქონდეს უშუალო კავშირი მომხმარებლებთან ყოველგვარი შუამავალი კომპანიების გარეშე, დაამატე ინფორმაცია შენ შესახებ და გააცანი საკუთარი თავი მოგზაურებს.

დეტალურად

უშგულის შესახებ

საუკეთესო პერიოდი: ყველა სეზონი

უშგული — თემი ზემო სვანეთში, მესტიის მუნიციპალიტეტში. შედგება 4 სოფლისგან: ჟიბიანი, ჩვიბიანი, მურყმელი, ჩაჟაში (თემის ცენტრი).


მდებარეობა

უშგული მდებარეობს შხარას ძირას, ენგურისა და შავწყალა-ქვიშარას შესართავთან. უშგულის თემის სიმაღლე მერყეობს ზღვის დონიდან 2060 მეტრიდან 2200 მეტრამდე. ამ მონაცემებით უშგული ევროპის ყველაზე მაღალ დასახლებად მიიჩნეოდა 2014 წლამდ. თუმცა, მას შემდეგ, 2014 წლის საყოველთაო აღწერის მონაცემებით ახმეტის მუნიციპალიტეტის სოფელ ბოჭორნაში 1 მუდმივი მაცხოვრებელი დაფისქსირა,[6] ევროპის ყველაზე მაღალი დასახლების სტატუსი ამ სოფელს გადაეცა.

უშგული შიდასახელმწიფოებრივი მნიშვნელობის გზებით უკავშირდება მესტიასა და ლენტეხს. ლენტეხთან დამაკავშირებელი გზა გადის უღვირის უღელტეხილზე, რომელიც წელიწადში მხოლოდ სამ თვესაა გახსნილი, ხოლო დანარჩენი დროის მანძილზე თოვლით იფარება. უშგული ზვავსაშიშ ზონაში მდებარეობს. 1987 წელს დიდი ზვავის გამო ადგილობრივი მცხოვრებლები ეკომიგრანტებად იქცნენ, ძირითადად, ქვემო ქართლში. ამჟამად თემში დაახლოებით 70 კომლი სახლობს.

უშგულთან ახლოს, ენგურის სათავეებთან მოდის მინერალური წყალი.


ისტორია

უშგული ბუნებრივი მდებარეობის გამო მოწყვეტილი იყო დანარჩენ სვანეთს. უახლოეს თემში, კალაში, რომელიც 7 კილომეტრში მდებარეობს, გადასვლაც კი საკმაო სირთულეს წარმოადგენდა. ხალხის მეხსიერებაში შემორჩენილია ლეგენდა დევის ნაშენზე, ეს არის კლდე, რომელსაც, ლეგენდის თანახმად, ენგურის ხეობა ჩაუკეტავს და სოფელი იტბორებოდა. კატასტროფის თავიდან ასარიდებლად უშგულიდან და კალადან დაძრულა ორი ვერძი, რომლებიც საპირისპირო კუთხეებიდან დასჯახებიან კლდეს და დაუნგრევიათ.

უშგულის ეტიმოლოგიას ”უშიშარ გულს” უკავშირებენ. ისტორიულად, უშგული უბატონო თემი იყო. უშგულში გაბატონების მსურველი 7 თავადი მოკლეს. მათ შორის უკანასკნელი იყო ფუთა დადეშქელიანი, რომელიც უშგულის ლამარიაში მთელმა სოფელმა ერთად მოკლა. წარმოადგენდა სვანეთის ერისთავთა ფარჯანიან-ვარდანისძე-მარუშიანთა რეზიდენციას. ერთიანი სვანეთის დაშლის შემდეგ უშგული ე. წ. „თავისუფალი სვანეთის“ ნაწილი იყო, მაგრამ უკანასკნელ დრომდე (1810) იმერეთის სამეფოს შემადგენლობაში შედიოდა (რაჭასთან ერთად). უშგულის თემმა თავისი ისტორიის მანძილზე არაერთი მოძალადე მოიგერია, მათ შორის ფუთა დადეშქელიანი (XVII საუკუნის II ნახევარი). უშგულში შემორჩენილია თამარ მეფის სახელთან დაკავშირებული სვანეთის ერთ-ერთი უდიდესი ციხესიმაგრის (XII-XIII საუკუნეები) ნაშთები; საცხოვრებელი, სამეურნეო და საკულტო ნაგებობანი ( მათ შორის 37 კოშკი); ერისთავთა ხელისუფლების ნიშნები — სკიპტრა და სავარძელი. ამჟამად უშგული ნაკრძალად არის გამოცხადებული.


ღირსშესანიშნაობები

უშგულის თემის ერთ-ერთი სოფელი, ჩაჟაში, იუნესკოს მსოფლიო მემკვიდრეობის ძეგლია. ხშირია ტიპური სვანური თავდაცვითი კოშკები. მათი რაოდენობა ამჟამად 30-მდეა.

უშგულის ღირსშესანიშნაობებია:

თეგები: #სოფელი #დასახლებული პუნქტი

ახლოს მდებარე ტურები

რუკა

ტურები სვანეთში

2,5
სათავგადასავლო ტურები
სამ დღიანი ტური სვანეთში

ეძებ დაუვიწყარ თავგადასავალს? გინდა მოინახულო ლეგენდებით სავსე მხარე? საქართველოს უმაღლესი მწვერვალი...

კაცზე 150.00 ₾

დაჯავშნა
კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
Otar Lekveishvili
Otar Lekveishvili

გამარჯობა. მაინტერესებს მესტიიდან უშგულამდე რამდენი დრო ჭირდება დელიკებს ან ჯიპებს

Mariam Pirashvili
Mariam Pirashvili

მოგესალმებით. დრო დამოკიდებულია გზის მდგომარეობაზე, თუმცა ჯამში საათნახევრიდან ორ საათამდეა საჭიო მესტიიდან უშგულამდე მისასვლელად.

Silent Asteroid
Silent Asteroid

გამარჯობა
მაინტერესებს თბილისიდან (ქუთაისიდან მაინც) თუ გადის რაიმე ტრანსპორტი უშგულამდე? რამდენად ღირს გაზაფხულის პერიოდში რამდენიმე დღიანი ლაშქრობის მოწყობა (კარვებით)?
მადლობა

Mariam Pirashvili
Mariam Pirashvili

მოგესალმებით. პირდაპირ ამ ეტაპზე არცერთი ტრანსპორტი არ მიდის უშგულის მიმართულებით. თბილისიდან გადიან სამარშუტო ტაქსები მესტიის მიმართულებით ყოველდღე სამგორის ავტოსადგურიდან და ოქროს ბირჯის წინ რომ ავტოსადგურია მაქედან. გასვლა არის ხოლმე 7ის ნახევრიდან. ასევე მესტიაში მიდიან სამარშრუტო ტაქსები ქუთაისიდან და ზუგიდიდდან. მესტიაში ჩასვლის შემდეგ შეგიძლიათ დელიკით ან ჯიპით წახვიდეთ უშგულის მიმართულებით. მესტიიდან უშგულის მიმართულებით სამარშრუტო ტაქსები მხოლოდ ზაფხულში დადიან ხოლმე. რაც შეეხება ლაშქრობას. მაგალითად აპრილის მეორე ნახევარში კვლავ თოვლია ყველა სალაშქრო ბილიკზე და ლაშქრობას არ გირჩევთ. სვანეთში სალაშქროდ საუკეთესო პერიოდია ივნისის ბოლოდან სექტემბრის ბოლომდე.

review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე უშგული

საშინელი!

ცუდი!

კარგი!

ძალიან კარგი!

შესანიშნავი!