ბაღდათი - Bagdati

ბაღდათი

12
ტურისტული ადგილი
823 Area
ფართობი, კმ2
19,830 Population
მოსახლეობა

ბაღდათის შესახებ


საუკეთესო პერიოდი: ყველა სეზონი

ბაღდათის მუნიციპალიტეტი იმერეთის მხარეში მდებარეობს. ისტორიულ წყაროებში იგი პირველად მე-18 საუკუნის დასაწყისში იხსენიება, თუმცა რაიონის ტერიტორიაზე ცივილიზაციის არსებობის კვალი ძვ. წ. IV საუკუნიდან იწყება. წყაროებზე დაყრდნობით ბაღდათში ისტორიულად ყველაზე ძველი ადგილი სოფელი დიმია. აქ საქართველოს პირველ გამაერთიანებელ მეფეს - ფარნავაზს სამეთვალყურეო საფორთიფიკაციო ნაგებობა აუგია და მისთვის დიმნა დაურქმევიათ. სახელწოდება ბაღდათის წარმოშობასთან დაკავშირებით რამდენიმე ვერსია არსებობს. ერთი ვერსიის მიხედვით იგი ძველი სპარსული სიტყვაა, რაც ღვთისგან ნაბოძებს ნიშნავს და მისი სწორი ფორმა ბაღდადია. მეორე ვერსიით კი სახელი ქალის თავსაბურავს - ბაღდადს უკავშირდება. ეს სიტყვა თურქულ ენაში მშვენიერის, ლამაზის ეპითეტს წარმოადგენდა. არსებობს სხვა მოსაზრებებიც. ბაღდათი ცალკე რაიონი 1930 წელს გახდა. 1940 წლის 14 აპრილს, ვლადიმერ მაიაკოვსკის გარდაცვალებიდან 10 წლის თავზე, ბაღდადში მისი სხლ-მუზეუმი დაარსეს და ბაღდათსაც მაიაკოვსკის რაიონი დაერქვა. ეს სახელი მას 90-იანი წლების შემდგომ კი მან კვლავ ძველი სახელწოდება დაიბრუნა. დღესდღეობით მუნიციპალიტეტში ფუნქციონირებს მუზეუმები, ბიბლიოთეკები, თეატრი და პროფესიული სასწავლებელი. მუნიციპალიტეტში განვითარებულია სოფლის მეურნეობა, წამყვანი დარგებია: მევენახეობა, მეხილეობა, მებოსტნეობა, მეცხოველეობა. ბაღდათში განვითარებულია კვების მრეწველობაც, აქ არის ღვინის და კონიაკის ქარხნები. მნიშვნელოვანი ადგილი უჭირავს საშენი მასალების წარმოებასაც. რაიონში მოიპოვება და იწარმოება მინერალური წყალი - საირმე. მუნიციპალიტეტის ტერიტორიაზე ორი ბალნეოლოგიური კურორტი მდებარეობს: საირმე და ზეკარი. ბაღდათი ულამაზესი ბუნებითა და საინტერესო ძეგლების სიმრავლითაც გამოირჩევა, რაც, კურორტებთან ერთად, მის ტურისტულ პოტენციალს განაპირობებს. რაიონს უამრავი ბუნებისა და მოგზაურობის მოყვარული სტუმრობს.


გეოგრაფია და კლიმატი

ბაღდათის მუნიციპალიტეტი იმერეთის მხარეში, მდინარე ხანისწყლის აუზში მდებარეობს. მისი ადმინისტრაციული ცენტრია ქალაქი ბაღდათი. მუნიციპალიტეტს დასავლეთით ვანი ესაზღვრება, ჩრდილო-დასავლეთით - წყალტუბო, ჩრდილოეთითა და ჩრდილო - აღმოსავლეთით - თერჯოლა და ზესტაფონი, აღმოსავლეთით - ხარაგაული, სამხრეთით კი - ადიგენისა და ახალციხის მუნიციპალიტეტები. ბაღდათის ტერიტორია უმეტესად მთაგორიანია, მცირე ნაწილი უჭირავს ვაკე-დაბლობს. მუნიციპალიტეტის მთავარი ოროგრაფიული ერთეული მესხეთის ქედია, რომლის ჩრდილო განშტოებები იმერეთის დაბლობისაკენ სწრაფად დაბლდება. რაიონი იმერეთის დაბლობის ნაწილსაც მოიცავს. ბაღდათის მთავარი მდინარეა ხანისწყალი. ხანისწყლის მნიშვნელოვანი შენაკადებია: ლაიშურია, საკრაულა, ქერშავეთი და წაბლარასწყალი. მდინარეები წვიმისა და მიწისქვეშა წყლით საზრდოობენ. რაიონი მდიდარია ფლორისა და ფაუნის მრავალფეროვნებით. მუნიციპალიტეტის მთიანი ტერიტორია ტყითაა შემოსილი. ტყის ზონის ზედა სარტყელი წიწვოვნებს უჭირავს, რომელიც სუბალპური ტანბრეცილი ტყით სრულდება. ტყის ზონის ზემოთ სუბალპური და ალპური მდელოებია. რაიონში გავრცელებულია წიფელი, ნეკერჩხალი, თელა, რცხილა, წაბლი და სხვა. თერჯოლაში მრავლადაა მთისა და დაბლობის ტყის ცხოველები: ირემი, შველი, არჩვი, გარეული ღორი, ფოცხვერი, მურა დათვი, გარეული კატა და მრავალი სხვა. რაიონში ორნითოფლორაც მრავალფეროვნადაა წარმოდგენილი, აქ ნახავთ: ტყის ქათამი, მიმინო, ჩხიკვი, ქორი, მოლაღური, ოფოფი, მწყერი, გარეული მტრედი და ა.შ.
ბაღდათის მუნიციპალიტეტში ნოტიო სუბტროპიკული ჰავაა, ზომიერად ცივი ზამთრითა და ხანგრძლივი თბილი ზაფხულით. ჰაერის საშუალო წლიური ტემერატურა დაბლობზე 14°C-ა, დაბალმთიან ზონაში - 9°C.


რა ვნახოთ

ბაღდათის მუნიციპალიტეტი ბუნების სილამაზითა და კულტურული ძეგლების სიმრავლით გამოირჩევა. განსაკუთრებული პოპულარობით სარგებლობს კლდეებსა და ხეებში მოქცეული ხანის ჩანჩქერი. ძალიან საინტერესო ადგილია ვულკანური წარმოშობის ქვასვეტები, რომლებსაც ადგილობრივები “ქვასაყდარას” უწოდებენ. რაიონის ტერიტორიაზე მდებარეობს აჯამეთის აღკვეთილი, სადაც იმერული მუხის რელიქტური ტყეები გვხვდება. ძალიან ლამაზ სანახაობას წარმოადგენს ვარციხის წყალსაცავიც. გარდა მშვენიერი ბუნებისა ბაღდათში მრავალი ისტორიულ-კულტურული ძეგლიც გვხვდება. რაიონში მდებარე შუასაუკუნეების ციხე-სიმაგრეები თუ ტაძრები ქართული კულტურის ერთ-ერთ მნიშვნელოვან ნაწილს წარმოადგენენ. აღსანიშნავია ადრინდელი შუა საუკუნეების ნაქალაქარი როდოპოლისი, წითელხევის ამაღლების ეკლესია, ქვედა ზეგანის წმ. გიორგის ეკლესია, დევაძეების ეკლესია, დიმნას ციხე და მრავალი სხვა. ცნობილი და პოპულარული ძეგლია მთლიან ლოდში ნაკვეთი დიდი საწნახელი. ბაღდათში ფუნქციონირებს მხარეთმცოდნეობის მუზეუმი, სადაც მრავალი საინტერესო ექსპონატის დათვალიერებას შეძლებთ. ეს რაიონი შესანიშნავია ბუნებაში დასვენების მსურველთათვისაც. აქ ორი კურორტია, საირმე და ზეკარი, სადაც სიმშვიდეში, ულამაზეს ბუნებაში და სიმშვიდეში კომფორტულ დასვენებას შეძლებთ. 


ბუნება


კულტურული ძეგლები


კურორტები

  • საირმე
  • ზეკარი


ყველა ადგილის სანახავად დააჭირეთ აქ

ვარციხის წყალსაცავი - vartsikhe reservoir
ვარციხის წყალსაცავი

ვარციხის წყალსაცავი — წყალსაცავი დასავლეთ საქართველოში, იმერეთის მხარის ბაღდათის და წყალტუბოს მუნიცი...

kurorti sairme - კურორტი საირმე
კურორტი საირმე

საირმე ბალნეოლოგიურ-კლიმატური კურორტი - მდებარეობს ბაღდათის მუნიციპალიტეტში, მესხეთის ქედი...

ქვასაყდარა - Qvasaydara
ქვასაყდარა

მესხეთის ქედის სამხრეთ ფერდობზე, სუბალპურ და ალპურ ზონაში, არაერთი ვულკანური წარმოშობის ქვასვეტია აღ...

კაკასხიდი - Kakaskhidi
კაკასხიდი

სოფელ კაკასხიდის სამხრეთით, მდინარე ხანისწყლის მარცხენა მხარეს, ზღვის დონიდან 600 მეტრზე. მდინარე ხა...

იხილეთ ასევე

ვარციხის წყალსაცავი — წყალსაცავი დასავლეთ საქართველოში, იმერეთის მხარის ბაღდათის და წყალტუბოს მუნიციპალიტეტებში. მოწყობილია მდინარე რიონზე, ხანისწყლის...

საირმე ბალნეოლოგიურ-კლიმატური კურორტი - მდებარეობს ბაღდათის მუნიციპალიტეტში, მესხეთის ქედის ჩრდილოეთ კალთაზე, მდინარე წაბლარისწყლის ხეობაში,...

დიმის ციხე ანუ „ციხის ყელი“ მდებარეობს ზემო დიმში, სოფლის აღმოსავლეთ განაპირას, მაღალ მთაზე. შემორჩენილია ნანგრევები. წყობა მეტწილად ჰორიზონტალურია. ა...

მესხეთის ქედის სამხრეთ ფერდობზე, სუბალპურ და ალპურ ზონაში, არაერთი ვულკანური წარმოშობის ქვასვეტია აღმართული, რომლებიც დენუდაციური შთენილების სახით არი...

სოფელ კაკასხიდის სამხრეთით, მდინარე ხანისწყლის მარცხენა მხარეს, ზღვის დონიდან 600 მეტრზე. მდინარე ხანისწყალზე დღემდე ფუნქციონირებს, საფრანგეთში XIX სა...

სოფელ ხანის სამხრეთ-აღმოსავლეთით 4 კმ-ში, მდინარე ხანისწყლის ხეობაში მდებარეობს ყველაზე წყალუხვი და მაღალი ჩანჩქერი ბაღდათის მუნიციპალიტეტში. ჩანჩქერი...

მდებარეობს მდინარე წაბლარისწყლის ხეობაში. 380 მეტი ზ.დ. მისასვლელი გზა: მანძილი თბილისიდან 233 კმ. ბაღდათიდან 13 კმ. ქუთაისიდან 38 კმ. წყალთაშუას სახე...

მდინარე ხანისწყლის ხეობაში, სოფელ ხანის სამხრეთ-აღმოსავლეთით 4 კმ-ზე, მდინარე ხანისწყლის მარცხენა მხარეს, ჩანჩქერის სამხრეთით რამდენიმე ათეული მეტრის ...

სოფელ კაკასხიდიდან აღმოსავლეთით 2 კმ–ის დაშორებით ხვალასკურის მთის მიდამოებში. გადმოცემის თანახმად, სოფელი ბერიეთი მესხეთიდან გადმოსახლებულ ბერიძეებს ...

მდებარეობს ბაღდათის მუნიც-ში, ბაღდათიდან 10 კმ დაშორებით, მდ. ხანისწყლის მარცხენა ნაპირზე. სოფელი როკითი იხსენიება შემდეგ წერილობით წყაროებში: ვახუშტი...

ვარციხე - შუა საუკუნეებში იყო ეგრისის სამეფოს ერთ-ერთი მნიშვნელოვანი ქალაქი (ბერძნულ წყაროებში როდოპოლისი, ქართულ წყაროებში ვარციხე, ვარდციხე). პირველ...

აჯამეთის ეროვნული პარკი - მდებარეობს იმერეთის მხარეში, ბაღდათისა და ზესტაფონის მუნიციპალიტეტებში  კოლხეთის დაბლობზე. აჯამეთის, ვარციხისა და ...

იხილეთ ასევე
review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ბაღდათი

საშინელი!

ცუდი!

კარგი!

ძალიან კარგი!

შესანიშნავი!