აღწერა


საუკეთესო პერიოდი: ყველა სეზონი

ეს არის ერთ დღიანი მარშრუტი გარეჯის უდაბნოში რომელიც საშუალებას მოგცემთ მოინახულოთ გარეჯის უდაბნოს ყველაზე საინტერესო და შეიძლება აქამდე უცნობი ადგილები:

უმჯობესია მოგზაურობა დაიწყოთ დილით რაც შეიძლება ადრე, რადგან მარშრუტი საკმაოდ დატვირთულია სხვადასხვა სანახაობებით და მის გასავლელად საშუალოდ 10-12 საათი დაგჭირდებათ.

გეგმა:

01

ნაწილი პირველი

მარშრუტი იწყება ქალაქ თბილისში და ქალაქ რუსთავის გავლით მიემართება გარეჯის უდაბნოსკენ. პირველი გაჩერება მრავალწყაროს ფერადი მთები და წყალსაცავია. აქ ცოტა ფეხით სიარული მოგიწევთ, რათა ფერად მთებს მიუახლოვდეთ. მთაზე ასვლას თუ გადაწყვეტთ, შეიძლება რამდენიმე საათი დაგჭირდეთ ამისათვის. ფერადი მთების შემდეგ მარშრუტი გაივლის იქვე მდებარე წამებულისა და იოანე ნათლისმცემლის მონასტრებს და მიემართება დავით-გარეჯის მონასტრისაკენ. წამებულის მონასტერი კლდეში გამოკვეთილი სენაკებისგან შედგება და მის დასათვალიერებლად ფეხით სიარული მოგიწევთ. დავით-გარეჯის მონასტრამდე სულ რაღაც 1 კილომეტრით ადრე გზიდან მარჯვნივ შენიშნავთ ციხის მსგავს სვეტს, ეს არის ჩიჩხიტურის მონასტერი. ამის შემდეგ კი მიხვალთ დავით-გარეჯის მონასტერში, სადაც სრულდება ტურის პირველი ნაწილი. კარგად დაათვალიერეთ ეს ულამაზესი კომპლექსი, წაიხემსეთ და მოემზადეთ გარეჯის საბერეების მოსანახულებლად.

02

ნაწილი მეორე

დავით-გარეჯის მონასტრიდან მარშრუტი გაივლის სოფელ უდაბნოს და ძველი, მიტოვებული სამანქანო გზით მიემართება გარეჯის საბერეებისკენ. ამ მონაკვეთში აუცილებლად გამოიყენეთ GPS მოწყობილობა რათა არ ასცდეთ მარშრუტს, რადგან გზად ვერ ნახავთ მინიშნებებს და ზოგჯერ შეიძლება ბუნებასთან შერწყმული გზაც ვერ გაარჩიოთ. გარეჯის საბერეები წამებულის მონასტრის მსგავსად კლდეში ნაკვეთ კომპლექსს წარმოადგენს, რომელიც რამდენიმე კილომეტრზეა გადაჭიმული. უმეტესი მათგანი მოხატულია და აქვს ეკლესიის ფორმა. თუმცა ფრთხილად იყავით, გამოქვაბულამდე მისასვლელი ბილიკები არანაირ უსაფრთხოების სტანდარტს არ აკმაყოფილებენ და გამოუცდელმა ადამიანმა შეიძლება რამე დაიზიანოს. ნუ გამოიყენებთ მაღალქუსლიან ფეხსაცმელს, შეარჩიეთ მყარძირიანი, რთულ რელიეფზე სასიარულო ფეხსაცმელი.

ტრანსპორტი:

აღნიშნულ მარშრუტზე რეკომენდებულია მშრალ ამინდში წასვლა, რადგან გზა მოასფალტებული არ არის და წვიმიან ამინდში მხოლოდ სპეციალურად ტალახისთვის განკუთვნილი, 4X4 მანქანები თუ შეძლებენ უპრობლემო გადაადგილებას. მშრალ ამინდში კი ნებისმიერი მანქანით შესაძლებელია ამ მარშრუტის გავლა.

ხანგრძლივობა
1 დღე
სირთულე
მარტივი
მანძილი
225 კმ

ჩვენი გიდები მზად არიან დაგეხმარონ ამ მარშრუტზე

27798218_2076211602649485_920825 13891881_1062705333765157_135766 13198397_1108281659211461_125501
+8
review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ჯიპ-ტური გარეჯის უდაბნოში

საშინელი!

ცუდი!

კარგი!

ძალიან კარგი!

შესანიშნავი!