აღწერა


საუკეთესო პერიოდი: ზაფხული

ორეთის ტბიდან იშლება ულამაზესი ხედები. მარშრუტზე შეიძლება გადაეყაროთ კავკასიურ შურთხ, შველს, ნიამორს, დათვს ან მათ ნაკვალევს.


მარშრუტი იწყება სოფელ ქვემო ომალოში ვიზიტორთა ცენტრიდან და მიუყვება სამანქანო გზას სოფელ ქუმელაურთამდე. ქუმელაურთიდან ქვეითი ბილიკი ადის ორეთის ტბაზე. ქუმელაურთის შემდეგ, ბილიკზე წყაროები აღარ გვხვდება, ამიტომ აუცილებელია წყლის მომარაგება. ცხენით ორეთის ტბამდე მისვლა და ომალოში დაბრუნება შესაძლებელია ერთ დღეში. ფეხით ლაშქრობის შემთხვევაში, რეკომენდებულია ღამის გათევა ორეთის ტბაზე. ტბასთან ახლოს არის წყარო და საკარვე ადგილი. 

ორეთის ტბის მიდამოებიდან იშლება ულამაზესი ხედები, საიდანაც მოჩანს თითქმის მთელი თუშეთი. ორეთის ტბის მიდამოებში ორი ენდემური სახეობა - კავკასიური როჭო და კავკასიური შურთხი ბინადრობს. ეს ფრინველები, ჩვეულებრივ, საღამოს და დილის საათებში აქტიურობენ და მათი დანახვა და მოსმენა ამ დროს არის შესაძლებელი. ორეთის ბილიკზე მოგზაურობისას შეიძლება ვიზიტორებმა შენიშნონ შველი, ნიამორი, დათვი, იშვიათად მგელი და ფოცხვერი. მათი ნაკვალევი კი ბილიკზე მრავლადაა. 

გეგმა:

01

დღე 1

სოფელი ომალო - ორეთის ტბა (9.5 კმ), ღამის გათევა კარავში ორეთის ტბის სიახლოვეს.

02

დღე 2

ორეთის ტბა - სოფელი ომალო (8.5 კმ)

ხანგრძლივობა
2 დღე
სირთულე
საშუალო
მანძილი
18 კმ
მანძილი დედაქალაქიდან
200 კმ
აღჭურვილობა
კარავი, საძილე ტომარა

ჩვენი გიდები მზად არიან დაგეხმარონ ამ მარშრუტზე

27798218_2076211602649485_920825 13891881_1062705333765157_135766 13198397_1108281659211461_125501
+7

კითხვები და პასუხები

დამწყებთათვის არის ეს ტური რეკომენდირებული?

Davit Merabishvili
Davit Merabishvili

მარშრუტი 2 დღიანია და თქვენ ფიზიკურ მომზადებასა და ცოდნაზეა დამოკიდებული. საშუალო ფიზიკური მომზადების ადამიანისთვის 2 დღეში დაძლევადია; უმჯობესია გაიყოლოთ მეგობარი, რომელიც რამდენიმე ლაშქრობაში მაინც არის ნამყოფი. პირველივე ლაშქრობაში მარტო წასვლა არ არის რეკომენდებული. დაგჭირდება შემდეგი აღჭურვილობა: ზურგჩანთა, კარავი, საძილე ტომარა, ქვეშსაგები, ტანსაცმელი/ფეხსაცმელი და საკვები .... დეტალურად

მარშრუტი 2 დღიანია და თქვენ ფიზიკურ მომზადებასა და ცოდნაზეა დამოკიდებული. საშუალო ფიზიკური მომზადების ადამიანისთვის 2 დღეში დაძლევადია; უმჯობესია გაიყოლოთ მეგობარი, რომელიც რამდენიმე ლაშქრობაში მაინც არის ნამყოფი. პირველივე ლაშქრობაში მარტო წასვლა არ არის რეკომენდებული. დაგჭირდება შემდეგი აღჭურვილობა: ზურგჩანთა, კარავი, საძილე ტომარა, ქვეშსაგები, ტანსაცმელი/ფეხსაცმელი და საკვები .

Davit Gogilashvili
Davit Gogilashvili

რომელ თვეებშია სჯობს ამ ტბაზე ასვლა

Davit Merabishvili
Davit Merabishvili

ივნისის მეორე ნახევრიდან დაწყებული სექტემბრის ბოლომდე შეგიძლიათ ეწვიოთ ამ ტბას.

შეაფასე

დასვი კითხვა

შეაფასე ორეთის ტბა

საშინელი!

ცუდი!

კარგი!

ძალიან კარგი!

შესანიშნავი!