ოზურგეთის შესახებ


საუკეთესო პერიოდი: ყველა სეზონი

ოზურგეთი მდებარეობს დასავლეთ საქართველოს ტერიტორიაზე, მდინარეების ნატანებისა და სუფსის ხეობებში, ზღვის დონიდან 50 მეტრზე. იგი წარმოადგენს გურიის, როგორც ადმინისტრაციულ, ისე ისტორიულ ცენტრს. დასავლეთით 20 კმ მანძილზე აკრავს შავი ზღვა, ხოლო სამხრეთიდან და ჩრთილოეთიდან მცირე სერები - მოიდანახე და სერი.

ჰავა ხასიათდება სუბტროპიკული ნოტიო კლიმატით. საშუალო წლიური ტემპერატურა 13,3 °C.

ოზურგეთში არის ისტორიული მუზეუმი, დრამატული თეატრი, რომელიც ერთ-ერთი ყველაზე მასშტაბურია ფილარმონიის შემდეგ. ასევე  ქალაქში არის საბავშვო თეატრი, თანამედროვე სახვითი ხელოვნების გალერეა, ბიბლიოთეკა და ფუნქციონირებს ტელეკომპანია „გურია“, რომელიც მხოლოდ გურიის მასშტაბით მაუწყებლობს.

ოზურგეთის ტერიტორიაზე წარმოდგენილია კულტურული ძეგლები, როგორებიცაა: აჭის, ჯუმათის, შემოქმედის და ლიხაურის ეკლესიები. ასევე ლაითურის, დვაბზუს და ლიხაურის ციხე.

ქალაქი ცნობილია ჩაისა და ციტრუსის კულტურით. ასევე მოიპოვებენ ბენტონიტურ თიხას, რომელიც გამოიყენება სხვადასხვა სახის წამორმოებაში.

ოზურგეთში ასევე აქტიურად მისდევენ სპორტს, ქალაქს ჰყავს მორაგბეთა კლუბი „ოზურგეთის არწივები“, საფეხბურთო კლუბი „მერცხალი“ , საკალათბურთო კლუბი „ბახმარო“ და განვითარებულია სხვადასხვა სპორტის სახეობები.

ოზურგეთის ღირსშესანიშნაობას წამორმოადგენს ისტორიული ძეგლებიდან უძველესი „ოზურგეთის აბანოები“, რომელიც XX საუკუნის დასაწყისში აღმოაჩინეს.

ქალაქის ცენტრში მდებარეობს ჭადრების ბაღი, რომელიც ყოველთვის იყო ოზურგეთელების თავშეყრის ადგილი, სადაც იმართება მრავალი კულტურულ-საგანმანათლებლო ხასიათის ღონისძიება.

ოზურგეთის მოსახლეობის 90% გურულია, ისინი გამოირჩევიან იუმორის მაღალი გრძნობით, გონებამახვილი ოხუნჯობებით ართობენ სტუმრებს და მრავალფეროვანი კერძებით უმასპინძლდებიან.

ოზურგეთში დღესდღეობით ფუნქციონირებს რამდენიმე რესტორანი, სადაც შესაძლებელია გაეცნოთ გურულ კულინარიას და დააგემოვნოთ კერძები. გურულ სამზარეულოში პოპულარობით სარგებლობს „გურული ღვეზელი“. გურული ღვეზელი ნახევარმთვარის ფორმის ხაჭაპურია, რომელშიც წინასწარ მოხარშული და შუაზე გაჭრილი კვერცხი დევს.

მანძილი დედაქალაქიდან ოზურგეთამდე 330კმ-ია. მოძრაობს სხვადასხვა ტრანსპორტი, მატარებელი, ავტობუსი, მიკროავტობუსი. ტრანსპორტი დადის ყოველ დღე სხვადასხვა საათებში ცენტრალური ავტოსადგურიდან, დიდუბის ავტოსადგურიდან დილით, ასევე არის დღის და ღამის მატარებელი.

მდებარეობა
41.920261, 41.992219
მანძილი დედაქალაქიდან
320 კმ
იხილეთ ასევე

იხილეთ ასევე

საქართველოს რეგიონებში გურია ყველაზე პატარაა. მდებარეობს სამხრეთ-დასავლეთ საქართველოში. აღმოსავლეთიდან ესაზღვრება იმერეთი, დასავლეთიდან - შავი ზღვა, ს...

გომისმთა წარმოადგენს საზაფხულო მაღალმთიან კურორტს გურიაში, სადაც ზღვისა და მთის ჰაერი ერთმანეთს ერწყმის და აქვს ბუნებრივი სამკურნალო თვისებები. სიმაღლ...

ჭინჭაოს ტბა კრატერული წარმოშობის ტბაა, რომელიც მდებარეობს გურიაში, ზღვის დონიდან 2500 მეტრზე.ტბა სიდიდით არ გამოირჩევა, თუმცა ძალიან ლამაზია და ასეთ ს...

ბახმარო არის მთის კურორტი გურიაში, სადაც ზღვისა და მთის ჰაერი ერთმანეთს ერწყმის ქმნის უნიკალურ გარემოს. შესაბამისად, აქვს ბუნებრივი სამკურნალო თვისებე...

მახუნცეთის ჩანჩქერი ერთ-ერთი ყველაზე პოპულარული ჩანჩქერია საქართველოში. მდებარეობს აჭარაში, სოფელ მახუნცეთში. ჩანჩქერზე მისვლა შესაძლებელია მანქა...

აჭარა გადაჭიმულია საქართველოს სამხრეთით, შავი ზღვის სანაპიროზე. სამხრეთიდან მას ესაზღვრება თურქეთი. აჭარა საქართველოს ერთ-ერთი უძველესი კუთხეა. ბუნება...

review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე

დასვი კითხვა

შეაფასეთ ადგილი

საშინელი!

ცუდი!

კარგი!

ძალიან კარგი!

შესანიშნავი!