წყალტუბო - Tskaltubo

წყალტუბო

8
ტურისტული ადგილი
679 Area
ფართობი, კმ2
51,425 Population
მოსახლეობა

წყალტუბოს შესახებ


საუკეთესო პერიოდი: ყველა სეზონი

წყალტუბო მერეთის მხარეში მდებარე მუნიციპალიტეტია. მის ტერიტორიაზე ადამიანი ჯერ კიდევ ქვის ხანაში სახლობდა, რასაც გათხრების შედეგად აღმოჩენილი მრავალი ნამოსახლარი ადასტურებს. თეთრ მღვიმეში ნაპოვნი კავკასიაში ყველაზე ადრეული იარაღი-სპილენძის ისრის პირი, რომელიც ძველი წელთაღრიცხვის მე-4 მე-5 ათასწლეულით თარიღდება. წყალტუბო გამორჩეული რაიონია ბუნების სილამაზითა და ისტორიულ - კულტურული ძეგლების სიმრავლით. აქ ნახავთ ციხე სიმაგრეებს, შუასაუკუნეების ტაძრებს და მეფეთა სასახლის ნაშთებს. რაიონის ბუნება დიდ შთაბეჭდილებას ახდენს მნახველზე მწვანეში ჩაფლული ლურჯი ტბებითა და ზღაპრული მღვიმეებით, რომელთა მილიონობით წლის სტალაგმიტები და სტალაქტიდები ისეთ ჯადოსნურ სამყაროს ქმნიან, რომ რთულია ცოტათი მაინც არ დაეჭვდე მათ რეალურობაში. მსოფლიოში ცნობილია სათაფლიის სახელმწიფო ნაკრძალი დინოზავრის ნაკვალევით, სადაც რეალურ იურული პერიოდის პარკში აღმოჩნდებით. 
მუნიციპალიტეტის ეკონომიკის წამყვანი დარგი ტურიზმია. განსაკუთრებულ როლს ასრულებს კურორტი წყალტუბო, რომელიც სამკურნალო თერმული წყლებით განთქმულია. სოფლის მეურნეობაში ძირითადად მებოსტნეობა, მეხილეობა და მემარცვლეობაა განვითარებული. 


გეოგრაფია და კლიმატი

წყალტუბოს მუნიციპალიტეტი კოლხეთის დაბლობის აღმოსავლეთით, მდინარეების რიონისა და გუბისწყლის ხეობაში, იმერეთის მხარეში მდებარეობს. მისი ადმინისტრაციული ცენტრია ქალაქი წყალტუბო. მუნიციპალიტეტი მოიცავს შემდეგ ადმინისტრაციულ ერთეულებს: ქალაქი წყალტუბო, გვიშტიბი, გუმბრა, დღნორისა, მაღლაკი, მექვენა, მუხიანი, ოფურჩხეთი, ოფშკვითი, პატრიკეთი, რიონი, საყულია, ფარცხანაყანები, ქვიტირი, ცხუნკური, სოფელი წყალტუბო და გეგუთი. აღმოსავლეთით მას ქალაქი ქუთაისი ესაზღვრება, დასავლეთით - სამტრედიისა და ხონი, ჩრდილოეთით - ცაგერის და ამბროლაურის, ხოლო სამხრეთით - ბაღდათისა და ვანის მუნიციპალიტეტები. წყალტუბოს მთავარი მდინარეა რიონი მისი შენაკადებით, წყალტუბოსწყლითა და გუბისწყლით. მუნიციპალიტეტის ტერიტორიაზე არის თავშავას ტბა და ხელოვნურად შექმნილი ცივი ტბა.
წყალტუბოს მუნიციპალიტეტში
ზღვის ნოტიო სუბტროპიკული ჰავაა, მოკლე ზამთრით და ცხელი ზაფხულით. ჰაერის ტემპერატურის მხრივ  წყალტუბო ერთ-ერთი თბილი კუთხეა საქართველოში. საშუალო წლიური ტემპერატურა - 15°C. აგვისტოს საშუალო ტემპერატურა - 28-30°C, იანვარ-თებერვლისა კი - 5°C.


რა ვნახოთ

წყალტუბოს მუნიციპალიტეტი მდიდარია საინტერესო კულტურული ძეგლებითა და შთამბეჭდავი ბუნებით. აქ ნახავთ ისტორიულ ციხე-სიმაგრეებსა და გამორჩეულ ტაძრებს უნიკალური მოხატულობით. აღსანიშნავია განვითარებული შუასაუკუნეების დერჩის ეკლესია, ოფშკვითისა და მაღლაკის ეკლესიები და სხვა. განსაკუთრებული პოპულარობით სარგებლობს გეგუთის სასახლე. სწორედ აქ გამოაცხადა გიორგი III-მ თანამოსაყდრედ თამარ მეფე. აუცილებლად უნდა ესტუმროთ წყალტუბოს მხარეთმცოდნეობის მუზეუმს, სადაც დაცულია წყალტუბოს რაიონში გათხრების შედეგადა ღმოჩენილი მდიდარი არქეოლოგიური მასალა პალეოლითის ხანიდან გვიაფეოდალური ხანის ჩათვლით – ბრინჯაოს ხანის კერამიკის, სპილენძის, რკინის ექსპონატები, ნუმიზმატიკური კოლექცია, შრომისა და საბრძოლო იარაღები, ტანსაცმელი, საოჯახო ინვენტარი: ავეჯი, მუსიკალური საკრავები, ჭურჭელი, საეკლესიო საგანძური – ფერწერული და ჭედური ხატები, ჰიმნოგრაფიული და ლიტურგიკული, ჰომოლეტიკური ხასიაის საეკლესიო წიგნები, სამღვდელმსახურო ჭურჭელი და სხვა. წყალტუბო ულამაზესი ბუნებით გამოირჩევა. ნათელი, გრილი ტყეები შესანიშნავია ხეტიალისა და პიკნიკისთვის. მოგზაურთა ერთ-ერთი საყვარელი ადგილია კლდეთა ნაპრალში მოქცეული გაბზარული ტბა. თუმცა ამ რაიონის განსაკუთრებულობას მაინც გასაოცარი კარსტული მღვიმეები ქმნის. დაუვიწყარ სანახაობას წარმოადგენს სათაფლიის, პრომეთეს, ხომულის და სხვა მღვიმეები, რომლებიც მილიონობით წლის განმავლობაში წვეთობით შექმნილ ზღაპრულ სამყაროში მოგზაურობას გვთავაზობენ. რაიონის ერთ-ერთი მთავარი სიმდიდრეა ბუნებითა და სამკურნალო თვისებებით გამორჩეული კურორტი წყალტუბო, სადაც ფუნქციონირებს მინერალური წყლების პარკი


ბუნება


კულტურული ძეგლები

  • გეგუთის სასახლე
  • ხომულის ციხე
  • ჭოლევის მონასტერი
  • ზარათის წმინდა ივლიტას და კვირიკეს ეკლესია
  • დერჩის ნათლისმცემლის ეკლესია
  • ქვილიშორის ციხე


კურორტები

  • წყალტუბო


ყველა ადგილის სანახავად დააჭირეთ აქ

მდებარეობა
42.326304, 42.600357
მანძილი დედაქალაქიდან
244 კმ
რეკომენდებული დრო
1 დღე

ჩვენი გიდები მზად არიან დაგეხმარონ ამ ადგილის მონახულებაში

13891881_1062705333765157_135766 cop IMG_0005
+3
ცივი ტბა - Tsivi lake
ცივი ტბა

ცივი ტბა - გასართობი და დასასვენებელი კომპლექსი, მდებაორეობს იმერეთში, ქალაქ წყალტუბოში....

გაბზარული ტბა - Gabzaruli Tba (Cracked Lake)
გაბზარული ტბა

გაბზარული ტბა -  ბუნების ძეგლი, მდებარეობს იმერეთში, წყალტუბოს მუნიციპალიტეტში, სოფელ ყუმისთავში, ზღ...

სათაფლია, სათაფლიის აღკვეთილი - Sataplia
სათაფლია

სათაფლია მდებარეობს იმერეთში, წყალტუბოს მუნიციპალიტეტის სოფლების გუმბრას, ბანოჯასა და ხომულის ტერიტო...

იხილეთ ასევე

ცივი ტბა - გასართობი და დასასვენებელი კომპლექსი, მდებაორეობს იმერეთში, ქალაქ წყალტუბოში....

გაბზარული ტბა -  ბუნების ძეგლი, მდებარეობს იმერეთში, წყალტუბოს მუნიციპალიტეტში, სოფელ ყუმისთავში, ზღვის დონიდან 166 მეტრზე.გაბზარული ტბის ბუნების ძეგლ...

გიორგი ახვლედიანის სახელობის წყალტუბოს მხარეთმცოდნეობის მუზეუმი - მუზეუმში დაცულია წყალტუბოს რაიონში გათხრების შედეგად აღმოჩენილი მდიდარი არქეოლოგიური...

სათაფლია მდებარეობს იმერეთში, წყალტუბოს მუნიციპალიტეტის სოფლების გუმბრას, ბანოჯასა და ხომულის ტერიტორიაზე, სათაფლიის მთაზე, ზღვის დონიდან 500 მეტრზე. ...

პრომეთეს მღვიმის ბუნების ძეგლი იმერეთის რეგიონში, წყალტუბოს მუნიციპალიტეტში მდებარეობს. მისი სიგრძე 1,8 კმ-ია და მიწის ზედაპირიდან 40 მ-ის სიღრმეშია წ...

გეგუთის სასახლე — ფეოდალური ხანის საქართველოს საერო არქიტექტურის ძეგლი, მდებარეობს წყალტუბოს მუნიციპალიტეტში, სოფელ გეგუთში, ქუთაისის სამხრეთით, 7 კმ-...

წყალტუბოს მინერალური წყაროების ანალოგი, მსოფლიოში არსებულ სამკურნალო წყლებს შორის, არ არსებობს. სამკურნალო წყლებს "უკვდავების წყაროს" უწოდებენ, რადგან...

იხილეთ ასევე
review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა

1 შეფასება

5
Ani Iobidze
Ani Iobidze

შეაფასე

დასვი კითხვა

შეაფასე წყალტუბო

საშინელი!

ცუდი!

კარგი!

ძალიან კარგი!

შესანიშნავი!