qalaqi mcxeta mtskheta city

მცხეთა

3
ტურისტული ადგილი
728 Area
ფართობი, კმ2
53,944 Population
მოსახლეობა

მცხეთის შესახებ


საუკეთესო პერიოდი: ყველა სეზონი
მცხეთა მდებარეობს მცხეთა-მთიანეთის რეგიონში, თბილისიდან სულ რაღაც 10 კილომეტრის მოშორებით.

ისტორია

მცხეთა იყო ქართლის სამეფოს ძველი დედაქალაქი, პოლიტიკური ცენტრი (ძვ.წ. IV-ახ.წ.VI სს). VI ს-ის დასაწყისში, როდესაც დედაქალაქი თბილისში გადავიდა, მცხეთამ შეინარჩუნა ქართლის ეკლესიის, XI ს-დან კი სრულიად საქართველოს სასულიერო ცენტრის მნიშვნელობა. აქ 1811 წლამდე განლაგებული იყო საქართველოს ეკლესიის მეთაურის _ კათოლიკოს-პატრიარქის რეზიდენცია. მცხეთა მდიდარია როგორც არქეოლოგიური (ბრინჯაოს, რკინის ხანა) და ანტიკური პერიოდის, ასევე ქრისტიანული ეპოქის ისტორიული სიძველეებით. მათ შორის განსაკუთრებით აღსანიშნავია: არმაზი _ ფარნავაზიანთა დინასტიის ქართლის მეფეების რეზიდენცია და სამაროვანი (ძვ. წ. IV-ახ. წ. V სს.), ჯვრის (VI ს.), სვეტიცხოვლის (XI ს.), სამთავროს (XI ს.) ტაძრები, შიომღვიმისა და ზედაზნის მონასტრები (VI ს.), ბებრის ციხე.
 

ჯვრის მონასტერი

მცხეთის პირდაპირ მთაზე დგას ჯვრის მონასტერი, რომელიც შეტანილია მსოფლიო კულტურული მემკვიდრეობის ძეგლთა სიაში. ტაძრის სახელწოდება დაკავშირებულია ხის მაღალ ჯვართან, რომელიც ამ ადგილზე მეფე მირიანმა აღმართა. VI ს-ის II ნახევარში ქართლის ერისმთავარმა გუარამმა ჯვრის გვერდით პატარა ეკლესია ააშენა. ამ პატარა სამლოცველოს დღეს ჯვრის მცირე ტაძარს უწოდებენ. VI-VII სს. მიჯნაზე გუარამის ძემ _ ერისმთავარმა სტეფანოზ I-მა (586-605) მცირე ტაძრის გვერდით ააგო დიდი ტაძარი, რომელიც ზედ გადაეხურა ხის ჯვარს (ჯვრის კვარცხლბეკი დღემდეა დარჩენილი ეკლესიაში). ჯვრის ტა­ძარი ბოლნისის სიონის შემდეგ ხუროთმოძღვრული განვითარების ახალ საფეხურს წარმოადგენს. აღმოსავლეთ ფასადზე მოთავსებულია 3 რელიეფური გამოსახულება იმ პირებისა, რომელთა თაოსნობითა და ხარჯით აშენდა ეკლესია: შუაში ქრისტეს წინაშე მუხლმოდრეკილი სტეფანოზ ერისმთავარი; მარცხნივ _ მისი ძმა დემეტრე მფარველი ანგელოზითურთ, მარჯვნივ _ სტეფანოზის მემკვიდრე ადარნასე (მის ზემოთაც ფრთაგაშლილი ანგელოზია, რომელსაც მარჯვენა ხელი წინა აქვს გაწვდილი); ადარნასეს წინაა მუხლმოდრეკილი ბავშვი _ მისი ძე. სამივე რელიეფზე ასომთავრული წარწერებია, რომლებშიც მშენებელთა სახელები და ტიტულებია მოხსენიებული.
ჯვრის ტაძარმა სათავე დაუდო ქართული საეკლესიო არქიტექტურის ახალ ეტაპს _ გუმბათოვან ტაძარს. VII საუკუნეში იქმნება ანალოგიურ ძეგლთა მთელი ჯგუფი, რომლებიც გეგმისა და საერთო აგებულების მხრივ უახლოვდება მცხეთის ჯვარს. ასეთებია: ატენის სიონი, ძველი შუამთა, მარტვილი. 
მდებარეობა
41.845445, 44.720512
მანძილი დედაქალაქიდან
10 კმ
რეკომენდებული დრო
1 დღე
klio
გამომცემლობა კლიო
ჯვარი, ჯვრის მონასტერი, მცხეთა - Jvari Monastery, Mtskheta
ჯვრის მონასტერი

ჯვრის მონასტერი, ჯაჭვის საყდარი — VI საუკუნის ტაძარი და მონასტერი, მდებარეობს მცხეთის აღმოსავლეთით, ...

sveticxoveli church svetitskhoveli
სვეტიცხოველი

სვეტიცხოველის საკათედრო ტაძარი - საქართველოს მართლმადიდებელი ეკლესიის მთავარი საპატრიარქო საკათ...

შიომღვიმის მონასტერი Shiomghvime monastery
შიომღვიმე

შიომღვიმე — ადრეფეოდალური ხანის საქართველოს ერთ-ერთი ყველაზე თვალსაჩინო მონასტერი. მდებარეობს ქართლშ...

იხილეთ ასევე

ჯვრის მონასტერი, ჯაჭვის საყდარი — VI საუკუნის ტაძარი და მონასტერი, მდებარეობს მცხეთის აღმოსავლეთით, მდინარეების მტკვრისა და არაგვის შესართავთან, კლდოვ...

სვეტიცხოველის საკათედრო ტაძარი - საქართველოს მართლმადიდებელი ეკლესიის მთავარი საპატრიარქო საკათედრო ტაძარი, საქართველოს დედა-ტაძარი, საქართველოს ...

შიომღვიმე — ადრეფეოდალური ხანის საქართველოს ერთ-ერთი ყველაზე თვალსაჩინო მონასტერი. მდებარეობს ქართლში,  მცხეთის მუნიციპალიტეტში, თბილისიდან 40 კმ-ზე, ...

იხილეთ ასევე
review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე მცხეთა

საშინელი!

ცუდი!

კარგი!

ძალიან კარგი!

შესანიშნავი!