22 აგვისტო, 2019

ადგილები ბათუმში, რომლებიც აუცილებლად უნდა ნახო

ბათუმი, აჭარა, ღამის ბათუმი - batumi, adjara, Night in Batumi კვარიათი, შავი ზღვა, აჭარა - Kvariati, Black Sea, Adjara ღვთისმშობლის შობის სახელობის საკათედრო ტაძარი, ბათუმი - Holy Mother Virgin Nativity Cathedral, Batumi მოცეკვავე შადრევანი, ბათუმი - Dancing fountain, Batumi ბათუმის პიაცა, პიაცას მოედანი - Batumi piazza , piazza square ბათუმის ბოტანიკური ბაღი - Batumi botanical garden ალი და ნინოს ქანდაკება - Ali & Nino Statue ბათუმი, აჭარა - batumi, adjara IMG_0509 ბათუმის ქორწინების სახლი - Batumi Wedding House ღვთისმშობლის შობის სახელობის საკათედრო ტაძარი, ბათუმი - Holy Mother Virgin Nativity Cathedral, Batumi კვარიათი, შავი ზღვა, აჭარა - Kvariati, Black Sea, Adjara

აჭარის მთავარი ქალაქი – ბათუმი ერთ-ერთი საუკეთესო ტურისტული ადგილია საქართველოში. თავისი ძველი თუ ახალი არქიტექტურული შენობებით, კულტურული მემკვიდრეობის ძეგლებით, მუზეუმებით, უძველესი პორტით, ზღვისპირა ბულვარით, ევროპული მოედნებითა და ქუჩებით,  ბოტანიკური ბაღით, დელფინარიუმით, მსოფლიო ბრენდის მაღალი კლასის სასტუმროებითა და კაფეებით, ბათუმი თანამედროვე საქართველოს საუკეთესო სახეა.


25 ყველაზე პოპულარული ადგილი ბათუმში და მის შემოგარენში

1. ბულვარი

10 კმ სიგრძის ზღვის სანაპირო ზოლი და პარკი, სადაც მრავლადაა ბუნგალოები, კაფე-ლაუნჯები, რესტორნები, საბავშვო ატრაქციონები და სხვადასხვა სახის ფერადი თუ მოცეკვავე შადრევნები. უნიკალური მცენარეებით გაშენებულ ბათუმის ბულვარში შეგხვდებათ საინტერესო სკულპტურები, არქიტექტურული მონუმენტები. 


2. ანბანის კოშკი 

130 მეტრი სიმაღლის, ქართული ანბანის 33 ასოიანი კოშკი, დნმ-ის უჯრედის სტრუქტურული მოდელის ანალოგიური. კოშკის წვერში მოწყობილია საინფორმაციო-ტურისტული ზონა, მბრუნავი პანორამული რესტორანი, ღია ტერასა და ობსერვატორია.


3. პანორამული ბორბალი

55 მეტრი სიმაღლის ბათუმის სიმბოლო, ერთერთი ყველაზე კარგი საშუალება ბათუმის ულამაზესი ხედებისა და შენობების დასათვალიერებლად და აღსაქმელად. ბორბალის ერთი წრის გაკეთების ხანგრძლივობა 10 წუთია.


4. ალი და ნინოს ქანდაკება

მდებარეობს ბულვარის დასაწყისში, ფუტურისტული ძეგლის სტილი, რომელიც მოძრაობს და ყოველ 10 წთ-ში ორი ფიგურა, მამაკაცის და ქალის, ერთიანდებიან.


5. საბაგირო არგო

გასეირნება ბათუმის ფუნიკულიორზე. გასართობი კომპლექსი გვთავაზობს ქალაქის, შავი ზღვისა და გარშემო მთების უნიკალურ ხედებს. კომპლექსი მოიცავს რესტორნებს, კაფეებს, სავაჭრო ერთეულებს, ღია დარბაზებს, პოდიუმისა და სახურავის ტერასებს.


6. ჭაჭის კოშკი

ჭაჭის შადრევანი მდებარეობს ბულვარის დასაწყისში, გაცემა უფასო ჭაჭა, ფუნქციონირებს განსაზღვრულ დროებში.


7. კოლონადები

არქიტექტურული ღირსშესანიშნაობა, რომელიც 80 წელია ბათუმის ბულვარს ამშვენებს.


8. ქორწინების სახლი

ზვიგენის თვალის ფორმის თანამედროვე ქორწინების სასახლე, შადრევნების მოედანით და ხიდებით.


9. მედეას ქანდაკება

ბერძნული მითოლოგიის გმირის, კოლხი პრინცესა მედეას მონუმენტი, თავისუფლების მოედანზე, ახლოს ასტრონომიულ საათსა და ნეპტუნის ქანდაკებასთან.


10. ასტრონომიული საათი

ერთ ერთი ქალაქის სიმბოლო, საათი რომელიც აჩვენებს ასტრონომიულ ფიგურებს, დროს მაგივრად.


11. ნეპტუნის შადრევანი

5 ფრაგმენტისაგან შემდგარი შადრევანი, რომელთა ცენტრშიც, კვარცხლბეკზე მდგარი, მოოქროვილი ნეპტუნის ქანდაკებაა განთავსებული.


12. პიაცა 

ვენეციური მოედნის სან მარკოს ასლი, რესტორანი, სასტუმრო და მოედანი, ყოველ საღამოს უკრავს ცოცხალი მუსიკა.


13. დელფინარიუმი

საინტერესო პროგრამა დელფინებთან, ასევე დამატებითი საფასურის გადახდის შემდეგ შეგიძლიათ იბანაო დელფინებთან ერთად.


14. აკვაპარკი

საცურაო აუზებისა და ატრაქციონების კომპლექსი ბათუმის ზღვისპირა ზოლში.


15. ღვთისმშობლის შობის სახელობის საკათედრო ტაძარი

ქართული მართლმადიდებლური ტაძარი, განსხვავებული არქიტექტურით, რომელიც წარმოადგენს ეროვნული მნიშვნელობის კულტურული მემკვიდრეობის ძეგლს.


16. წმინდა ნიკოლოზის სახელობის ტაძარი

ქართული მართლმადიდებლური ტაძარი, XIX საუკუნის სამოციან წლებში აშენებული, ოსმალთა ბატონობის დროს, ბათუმის ერთ-ერთი ღირსშესანიშნაობაა.


17. სამების ტაძარი

ბათუმის ცენტრიდან 8 კმ დაშორებით, ახალაგებული ტაძრის ეზოდან ბათუმისა და ზღვის არაჩვეულებრივი ხედები იშლება. ტაძრის უკან სამების სახელობის დედათა მონასტერია.


18. ნურის ტბა

ბუნებრივი წარმოშობის ტბა ქალაქის ცენტრში, დელფინარიუმთან, რომლის გარშემოც მდებაორებს 6 მაისის პარკი. მოწყობილია ინფრასტრუქტურა და გასართობი სივრცე. 


19. არდაგანის ტბა 

ახალი ბულვარის ტერიტორიაზე მდებარე ტბა, რომელშიც დამონტაჟებულია ფრანგული მუსიკალური მოცეკვავე შადრევანი. ყოველ საღამოს შადრევანი თეატრალურ ფარდას ემსგავსება და მასში საუცხოო ლაზერ შოუ აისახება. 


20. მოცეკვავე შადრევნები

მოცეკვავე და მომღერალი შადრევნები ბათუმის ბულვარში. პროგრამაში „გედების ტბა“ და მრავალი სხვა შედევრებია.


21. ნავსადგური

მსოფლიოში ერთ-ერთი უძველესი ნავსადგური. ბათუმის ნავსადგურთან მდებაორებს აგრეთვე ბათუმის იახტკლუბი, საიდანაც შესაძლებელია გემით გასეირნება და ბათუმის ხედებით ტკბობა ზღვიდან. 


22. ბოტანიკური ბაღი

მდებარეობს ბათუმიდან 9 კმ დაშორებით. აქ წარმოდგენილია მცენარეთა ათასობით სახეობა. ბათუმის ბოტანიკურ ბაღს მსოფლიოში ანალოგი არ მოეძებნება იმ თვალსაზრისით, რომ აქ თანაარსებობენ სრულიად განსხვავებული კლიმატური და ლანდშაფტური ზონებიდან აღებული მცენარეთა სახეობები.


23. გონიოს ციხე

გონიო-აფსაროსის (I საუკუნის) ისტორიული ციხესიმაგრე. გონიოს ციხეში 2010 წლიდან მოქმედებს მუზეუმ-ნაკრძალი, სადაც ძველი წელთაღრიცხვიდან XIX საუკუნის 80-იან წლებამდე დათარიღებული ექსპონატები ინახება.


24. პეტრას ციხე 

ქობულეთიდან ბათუმისკენ მიმავლებმა ციხისძირში შეგიძლიათ მოინახულოთ. ის იმპერატორ იუსტინიანეს ბრძანებით ააშენა ბერძენმა იოანე სტრატიგოსმა 535 წელს. „პეტრა“ ბერძნულად კლდეს ნიშნავს. ქართულ საისტორიო წყაროებში ის ქაჯეთის ციხედაც იწოდება.


25. შავი ზღვისპირა კურორტები 


აგრეთვე ბათუმში შეგიძლიათ ნახოთ სხვა მრავალი საინტერესო ადგილი. ყველა ადგილის სანახავად იხილეთ ლინკი.

თეგები: #ბათუმი #გართობა #საინტერესო ადგილები #ბოტანიკური ბაღი #ქალაქი #ბულვარი #არქიტექტურა #მუზეუმი #პანორამული ბორბალი #დელფინარიუმი #ნურის ტბა #არდაგანის ტბა #ზღვა #ანბანის კოშკი #ჭაჭის კოშკი #ალი და ნინო #საბაგირო არგო #კოლონადები #ქორწინების სახლი #შადრევნები #მოცეკვავე შადრევნები #მედეას ქანდაკება #ასტრონომიული საათი #ბათუმის პიაცა #აკვაპარკი #შობის ტაძარი #ბათუმის სამების ტაძარი #თეატრი #პორტი #ნავსადგური #იახტ კლუბი #გონიო #გონიოს ციხე #პეტრას ციხე #ზღვისპირა კურორტები
review

დაწერეთ კომენტარი

გაგვიზიარე შენი იდეები, დაწერე კომენტარი და დაგვეხმარე ინფორმაციის უკეთ გაზიარებაში

დაწერეთ კომენტარი

დაწერეთ კომენტარი

მსგავსი სტატიები
არტ-გენ ფესტივალი
საინტერესო ადგილები, ინფორმაცია, შოპინგი, კულტურა, ისტორია

არტ-გენ ფესტივალი

არტ-გენ ფესტივალი არის ქართული ფოლკლორისა და მოყვარული, თვითნასწავლი ხელოვანი ადამიანების ყოველწლიურ...

კათოლიკური ეკლესია თბილისში Catholic church
საინტერესო ადგილები, კულტურა, ისტორია

კათოლიკური ეკლესიები, სინაგოგები და მეჩეთები თბილისში

საქართველო მსოფლიოს მასშტაბით ცნობილია თავისი მულტიკულტერიზმით. ეს ტენდენცია განსაკუთრებით გავრცელებ...